Ако вашиот живот се наоѓа пред ѕид, знајте дека излезот не се наоѓа позади ѕидот. Она што се наоѓа зад ѕидот, само е резултат на вашето гледање, на ѕидот пред вас.
Верувам, дека побрзо ќе ги употребите сите земни способности и ќе тргнете во акција за рушење на ѕидот. И јас бев една од амбициозните мајстори. Но, без успех.
Тогаш сфатив, дека ако сакам да ѕирнам и да откријам што се крие од другата страна на ѕидот, морам да го прифатам ѕидот. Сфатив дека морам добро да го запознаам.
Што тој преставува? Зошто е тука?
Свесното прифаќање на ‘невозможната’ ситуација, воедно е прв чекор за излегување од неа. Ако поминува некој од вас низ слично искуство, не очајувајте.
Почувствувајте тага, но, не бегајте од неа. Почувствувајте болка, но, не ја убивајте со опијати. Почувствувајте го секој неподнослив момент. Почувствувајте го својот здив. Издржете.
Ќе помине тоа. Како што се’ поминува. Само уште малку и ќе го срушите ѕидот. Не со кршење. Со отпуштање.
Даниела Кордиќ
Leave a Reply