Се’ е возможно, за невозможното треба само малку повеќе време

Не постои поголем ризик од оној- да не ризикуваш. Не мислам да ги подигнеш сите пари од сметка и да ги прокоцкаш, не мислам да ja спакуваш облеката и да заминеш во некоја ветена земја.

Мислам на излегување од комфорната зона, во која така добро се вгнездуваме. Да, добро е, пријатно, но станува прилично досадно, предвидливо и нема освежување. Гледаме преку оградата, не’ привлекува, но ретко кој од нас ќе има храброст да ја прескокне.

Што има позади неа? Нема да дознаеме се додека не ја прескочиме! Доста ви е од се’? Дури и премногу. И секој ден исто, секој ден се повторува макотрпната борба, фрка, фрка, стрес…

Не мора да биде така, ако вие одлучите да не биде. Вие сте господари на својата империја, вие одлучувате кога ќе го напуштите бојното поле, ќе ја оставите борбата и одите да освоите ново подрачје. Правам ли јас нешто поинаку од порано или само зборувам, дека сакам подобар живот и дека ми е од се’ доста?

Секој ден обрнете внимание на своите мисли, зборови, чувства, постапки и проверете го тоа со себе. На крајот од денот, соберете ги впечатоците и одлучете дека нема да зборувате, да мислите, нема да работите ништо што ви создава стрес и непријатност.

И дајте си време, како што им го дававте на своите деца, кога ги учевте на првите зборови, полни со љубов и милост во себе и за себе.

Да да, но јас не можам поинаку, морам вака? Зошто мислите дека морате? Оперативниот збор е МИСЛАМ! Вие бирате што ќе мислите, кажете, чувствувате..во текот на денот, никој на ништо не ве присилува. Дури и да сте во затворот, имате можност да бирате, иако повеќето сме ‘во својот затвор’.

Пробајте само еден ден, да мислите на нешто што инаку не практикувате, сменете го патот по кој одите на работа и од работа, облечете нешто омилено на себе, ставете го омилениот парфем, насмевнете им се на минувачите, направете некое добро дело (никој тоа не мора да го знае), само денес не се жалете, не кукајте, не судете, не критикувајте, не се грижете…

Нека тоа не ви премине во навика, нема да бидете свесни кога во вас се случи трансформација. И секој ден е се’ полесно и секој ден оградата изгледа се’ пониска. Само што не сте ја прескокнале.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create a website or blog at WordPress.com

Up ↑

%d bloggers like this: