Денес да наздравиме за Живот. Токму таков каков што е, со сите свои предизвици и потешкотии. Што се друго предизвиците, освен повик за будење и личен раст? Се сложувате?
Не постои добро и лошо. Нема погрешни одлуки и погрешни патишта. Да, и сега се случува да почувствувам страв. И сега се случува да почувствувам вина, како сум помалку вредна. Умеам и да се налутам, намуртам, да бидам безобразна и да се правам важна.
Се’ тоа, сеуште можам. Но, свесна сум. Присутна. Не се трудам да бидам совршена, туку си ги дозволувам себе си и тие делови на личноста, додека не дојде моментот, сами природно да отпаднат.
Дури и кога не ми е лесно и пријатно, благодарна сум. Бидејќи се’ што ми доаѓа на патот, е токму она што ми е потребно, а по некое непишано правило, кога е најтешко, тука се и благословите кои ги крие патувањето.
И токму затоа, денес му наздравувам на Животот. Токму таков, каков што е. Сега и овде. И едвај чекам да видам кои нови авантури ми приготвува. Се’ е добро.
Leave a Reply