Прва точка на дневниот ред :
ПРОСТЕТЕ!
Ве повредил некој? Простете! Што има добро во тоа да се одмаздите, како тогаш ќе се разликувате од тие што ви нанеле зло?
И што и да се одмаздите?
Магично ли ќе испарат од вашата меморија сите лоши спомени, ќе се залечат ли раните, подобро ли ќе се чувствувате? Не, во никој случај!
Затоа простете! Зошто ли? Тоа е човечно пред сѐ!
Ако некој заборавил како е да се биде човек, немојте и вие! Нема да заборавите, нема да биде ништо како порано и не треба, доволно е себеси и на другите да им простите и секако да свртите нов лист!
Не се обвинуваjте себеси што сте потрошиле време на погрешни луѓе, тие нека ви служат како лош пример, барем ќе се сеќавате каде сте биле, а каде сте сега и каде допрва одите!
Ал Пачино еднаш рече : ‘Кога некој ќе нѐ повреди важно е да запомниме, дека тоа не се случило затоа што ние сме виновни или сме направиле нешто погрешно. Кога паѓа дожд, не се обвинуваме себеси, ги затвораме прозорците и чекаме лошото време да помине’.
Лошите времиња/луѓе ги има па ги нема, траат, но и завршуваат! Важно е летото во нас! Важни се оние луѓе кои живеат за љубов! Важни се оние кои се големи во душата и простуваат!
Немаме супермоќ, ПРОСТЕТЕ!
Калимеро
Leave a Reply