7 работи кои го отежнуваат надминувањето на анксиозноста

Кога личноста се среќава со зголемена анксиозност, примарен е мисловниот процес, односно дисфункционален начин на размислување кој гo воведува во оваа емоција. Односно тоа е тумачење на одредени ситуации, мисли или телесни сензации како опасни, загрозувачки. Кога ќе го освестите тој процес и ќе најдете алтернатива, вашата работа на надминување на анксиозноста ќе биде поефикасна. Овие се грешките кои ни го отежнуваат тој процес:

1.Се плашите од анксиозност. Таканаречениот страв од стравот постојано ќе ве држи во зголемена анксиозност. Ќе ве натера постојано да го слушате своето тело и сите негови сензации, секоја од нив да ви се чини катастрофална, па без престан да исчекувате нов напад на анксиозност или паника. Анксиозноста е моментална непријатност која доаѓа и проаѓа и треба да се прифати дека тоа непријатно чувство е најлошото што може да се случи.

2. Сите телесни реакции ги препишувате на анксиозноста. И оваа грешка доаѓа од стравот од анксиозноста. Важно е да освестите дека се’ што се случува во телото не е анксиозност. Треперењето на телото, вртоглавица, чувство на деперсонализација можат да потекнуваат од падот на шеќерот. Главоболката може да биде предизвикана од умор, неспиење, исцрпеност.

3. Избегнувате одредени ситуации. Кога ќе одлучите да избегнете ситуација за која проценувате дека ќе биде провокација за вашата анксиозност, автоматски истата ја ‘нахранивте’ и и’ дадовте простор да се зацврсти. Избегнувањето има моментален ефект- во тој момент подобро ќе се чувствувате, бидејќи не се изложивте на непријатност, но на долги патеки гледано, тоа значајно може да се одрази на квалитетот на вашиот живот.

4. Развивте сигурни однесувања. Ова се сретнува кај личности кои имаат некој облик на анксиозно пореметување. Нивната функција е привидно решавање на проблемот- тоа носи намалување на напнатоста, но само моментално. На долги патеки гледано, ја одржува анксиозноста. Тоа се всушност дисфункционални стратегии на решавање на проблемот. На пример, кај луѓето со социјална анксиозност, тоа може да биде конзумирање на алкохол во социјални ситуации за да се чувствуваат ‘опуштено’.

5. Премногу внимание му давате на анксиозноста. Лековито е да зборуваме како се чувствуваме, но само тогаш кога тоа го правиме умерено, со личности кои не’ разбираат на вистински начин. Ако дозволите анксиозноста да стане центар на вашето интересирање, автоматски во сенка ќе паднат многу други активности и теми кои позитивно ќе влијаат на вас.

6. Се гледате себеси како беспомошен случај. Работата за надминување на анксиозноста ќе биде значително отежната ако себеси се набљудувате како личноста која не може да излезе од таа состојба и ако не го прифатите фактот дека Вие сами сте најважниот фактор во тоа.

7. Ако забележите дека подобро се чувствувате, ја занемарувате работата на себе. За да се надмине анксиозноста треба да се работи во континуитет повеќе месеци, дури и години. Потребно е време и многу доследности.

извор: Vas psiholog

Leave a Reply

Theme: Baskerville 2 by Anders Noren.

Up ↑

%d bloggers like this: