Некогаш во животот треба да си одиш, бидејќи на тој начин покажуваш дека се почитуваш себеси

Не се борете премногу, најубавите работи се случуваат кога ќе престанете да се надевате, кога малку ќе попуштите, кога повеќе не е толку важно.

Многу мотивациски тренери зборуваат спротивно, токму тогаш да дадете најмногу од себе и ако истраете, вашата цел ќе биде остварена што е вистина. Но, во меѓучовечките односи не важи секогаш истата логика.

Некогаш во животот треба да си одиш, бидејќи на тој начин покажуваш дека се почитуваш себеси и дека ништо однадвор не може да има поголема цена, од она што е во тебе. Не се борете премногу, пуштете и времето да го направи својот дел од работата. Некои работи треба да созреат, а повеќе од се’ мора ние. Нема смисла со глава во ѕид.

Големината на некоја цел е цената која за неа сте подготвени да ја платите, но некогаш е многу помала цената да се откажете од се’, бидејќи сфативте дека не е толку вредно колку што мислевте. Затоа, за некои неостварени соништа треба да се заблагодариме, бидејќи, кој знае какви ќе бевме ако ги остваревме.

Не се борете премногу, пуштете и другите да се борат. Дајте им прилика и на другите да покажат колку се грижат за вас, бидејќи ако не им ја дадете таа можност, ќе живеете во светот на илузиите, ќе живеете во заблуда дека во вашите односи е се’ супер и прекрасно, а кога ќе дојдат првите кризи, ќе видите дека не е се’ така како ви се чини.

Бидете мудри и читајте меѓу редови, давајќи им на другите воздух им давате прилика и тие да се потврдат и рамномерно да ги поделите сите тешкотии на односот и животот. Не се борете премногу, има и други цели. Ако така силно се борите за секоја цел, нема да преживеете, бидејќи ќе се скршите на првите препреки и ништо во животот нема да ви значи, бидејќи така ќе се изгубите себеси.

Борете се онолку колку што треба, ниту премалку, ниту премногу. Тоа е здрав, долгорочен пристап кон животот. Секогаш ќе имате прилика да дадете повеќе, ако дадовте помалку, но ако премногу се давате, ќе се скршите и ништо повеќе не може да се надомести.

Марио Жувела

Leave a Reply

Theme: Baskerville 2 by Anders Noren.

Up ↑

%d bloggers like this: