Што треба да знаете за новите познанства преку социјалните мрежи?

Денес побргу ќе запознаете некој преку интернет отколку во кафуле или ресторан. Затоа треба да ги знаете правилата на виртуелното запознавање. Факт е дека никогаш не знаеш со сигурност на кого ќе налеташ (ниту пак во вистинскиот свет), па сепак се препорачува доза на претпазливост. Ако сакате да започнете врска преку интернет, мудро е да се придржувате на следните правила.

  • Никогаш не го користете своето вистинско име. Сигурно ќе помислите дека една таква врска во старт е осудена на пропаст (па веднаш на почеток лажете, по ѓаволите). Меѓутоа, што ако на крајот откриете дека тој ‘некој’ всушност е потенцијален манијак или нешто друго. Сигурно ќе ви биде драго што за вас не знае многу, а посебно не го знае вашето име и каде живеете.
  • Ако сте навистина заинтересирани, обидете се да се видите што порано. Сосем е поинакво чувството кога некој ќе го видите и ќе го допрете во однос на постојаното гледање во монитор.
  • Ниту под било кој услов не делете приватни инфоормации како што е адреса, каде работите и колку заработувате. Дури и ако ви се чини дека е прекрасен, дека ве разбира како ниту еден до сега, бидете внимателни.
  • Причекајте да бидете потполно сигурни во неговите намери пред да го дадете својот телефонски број.
  • Запомнете! Таа личност, неговиот изглед, начинот на живот и слично нема да биде исто се’ додека не се запознаете лично.
  • Ако планирате да се видите со него, задолжително некој известете каде ќе бидете. Во случај нешто да се случи, некој ќе знае кого и каде ќе запознаете и најчесто ќе биде се’ во ред. Но, во случај да не биде, ќе имате некој кој ќе ве заштити.
  • Првиот состанок треба да биде краток. Некое кафе или ручек се сосем доволни за прво запознавање.
  • При запознавање вклучете ги сите свои сетила за да можете подобро да сфатите каков е тој. Обрнете внимание на чувствата кој во вас ги предизвикува. Во случај да се чувствувате непријатно во негова близина, вие со него нема што да барате.
  • Веднаш на стартот кажете му какви сте и што очекувате. Без глума и претерување. Ако е искрен и заинтересиран, ќе му се допаднете какви што сте.
  • Бидете реални. Не очекувајте принц на бел коњ. Ако ви се допаѓа, прифатете го онаков каков што е. Додека цврсто стоите на земја и знаете што сакате, не се грижете, бидејќи секогаш за вас ќе биде добро.

Leave a Reply

Up ↑

%d bloggers like this: