Секој има право да продолжи со својот живот па така и ти. Ако неодамна излезе од врска, а твојот сега бивши партнер сака да му се вратиш, што да направиш? Ситуацијата може да биде иритантна, посебно ако ништо не чувствуваш за него. Еве неколку совети:
Соочи се со него. Ова е можеби најдобар начин. Најди се со него и кажи му за што се работи. Дај му до знаење дека меѓу вас е готово. Кажи му дека треба да порасне и да продолжи со својот живот. Објасни му дека работите повеќе не се исти и дека треба да престане да те вознемирува и досадува. Директното соочување е најдобро решение за дадената ситуација.
Прекини ја врската со него. Избриши го бившиот од листата на пријатели и блокирај го. Избриши го од сите социјални мрежи, па дури и ако ти прати мејл, не го отворај- веднаш избриши го. Освен тоа, доволно е и да го промени бројот на мобилниот.
Игнорирај го. Можеби некаде и ќе го сретнеш после раскинувањето. Во таква ситуација, едноставно игнорирај го. Почни да зборуваш со некој друг и не обрнувај внимание на него. Идејата е да му дадеш до знаење дека повеќе не си заинтересирана за него и дека тој треба да продолжи со својот живот. Најверојатно ќе престане да те вознемирува кога ќе види дека го игнорираш.
Вклучи го заедничкиот пријател. Ок, ако тој сеуште не попушта, тогаш едноставно вклучи го заедничкиот пријател или некоја трета личност во целата работа. Кажи му дека треба да му објасни на твојот бивши, во твое име, дека е напорен. Секогаш можеш да го замолиш својот брат, сестра или некоја роднина да зборува со него. Сигурно ќе има некаков ефект.
Leave a Reply